PizzaExpress (形點) (已結業)

捉紧复活节假期嘅尾巴，同屋企人去左元朗Yoho Mall行街加食饭。兜左一圈，最终决定去Pizza Express食pizza餐厅装修得好开扬，简洁装饰加上窗外洒进嘅阳光，完全满足一个假期要有嘅悠闲感觉假期照样提供set lunch，二人餐已经包沙津、前菜、Pizza加饮品，几抵食前菜点左意式焗肉丸，餐牌虽然有辣椒但其实完全冇辣味，不过肉酱蕃茄味足，肉丸有肉味之余几香口，调味配合得唔错。跟配嘅面包球新鲜热辣，好烟韧再黎嘅沙津可以话系杂锦沙津，蔬菜好新鲜，鸡肉同猪肘肉带少少咸香，配埋芝士一齐食好香。沙津酱偏酸，愈食愈开胃主菜pizza上场，贪新鲜点左是日推荐。一直好喜欢Pizza Express 嘅Pizza底，烤的香之余唔会过干，亦唔会有油腻嘅感觉，仍然保留面团嘅烟韧感。芝士份量适中，但爱芝士人士可能觉得唔够喉。香肠可以话系画龙点睛之处，肉味香浓有惊喜舒适开阔嘅环境，配上新鲜美味嘅食物，同屋企人闲话家常，可以话系假期嘅完美消遣（但真系好唔舍得假期嘅完结><)