顏府御膳 (已結業)

之前上网见到有间位于铜锣湾嘅中菜餐厅，室内设计别致，今日lunch time见有充裕时间，所以一于去试下。黎到见到餐厅嘅设计果然冇令我失望，用上多盏红色水晶吊灯，餐厅光猛之余又够晒高贵优雅。颜府尝味午餐菜谱 （每位 $180 ）+ 香片茶 （每位 $20）🥣颜府精选老火汤：应该系西洋菜红萝卜汤，清清地够晒下火。🧆头盘：脆皮麻辣烧卖 & 红椒汁芦笋虾饺 烧卖外皮香脆，辣辣地几惹味。外皮橙黄色虾饺几特别，一啲都唔辣，加埋爽脆芦笋和虾一齐食份外有口感。🍲主菜： 野菌烧汁和牛 & XO酱虾干肉碎炒芥兰牛肉片肉质鲜美，一啲渣都无，炒野菌腌得好入味。虾干都几大只，肉碎炒芥兰切得大小适中，非常易入口。🧁甜品：南北杏雪耳炖万寿菓呢个好饮，好滋润，甜甜地好暖胃。🫖佢地嘅香片茶几好饮，真系不停咁样斟不停咁样饮😜。另外，餐前小食系四贵豆都几开胃，唔错。