Cambo ขุนทอง (The ONE)

营业中

休息中

通常黎到尖沙咀呢啲游客购物区，就算喺平日夜晚都几难揾到一间坐得舒服又唔算贵既餐厅。今日同女朋友又行街行到大家都脚痛，就去左the one上面既，今次已经系第三次黎，餐厅整体感觉依旧清静，最适合情侣或三五知己聚首一堂。因为食完下午茶冇几耐，大家都唔算肚饿，就叫左两样野食。第一样系青咖哩牛腩煲配法包，另加一碗白饭。呢一个煲系每次黎必点既铁胆，牛腩由拎出黎已经几林，加上之后下面一直有个炉加热，食落去口感一流。而个青咖喱亦做得好好，味道清香独特，少辣，和法包完美配答，值得一试。另外一样系泰式猪颈肉干炒河，呢样系第一次叫，谂住废事次次都食泰式炒粉。点知出个黎同想像中有些出入，卖相十分普通，略咸。但河粉不会太油，猪劲肉份量算不少。