Hatsu Japanese Restaurant (已結業)

今日要去某律师楼处理一啲文件，搞咗成个上昼。中午食饭时间，成个中环都好多人，IFC, 香港站食肆无位，甚至连地铁站内立食嘅上班族都多到一个点！为咗医肚，行出少少去美国银行中心果边揾食。嚟到见到两间快餐店都好多人，反而日本餐厅唔驶等位，心谂唔通好贵？！睇一睇餐牌，大约$150-$180一个lunch set, 包埋Salad bar buffet，尚可接受，一于入去试试。入到去被安排坐窗边位置，餐厅面积唔算大，但枱嘅摆位保持合适嘅距离，有一定私稳度，而且俾人感觉好舒服。装修以黑色、木色为主，型格中保留传统日式风格。叫咗一个天妇罗鱼同汉堡扒lunch set, 套餐包自助salad bar, 茶碗蒸，味噌汤，仲有个白饭。落单后出去自助salad bar 望下。选择唔系话好多，但都好健康，以新鲜蔬菜为主，例如：生菜，车厘茄，青红椒，粟米，青豆等，dressing 都有5款，我随意地样样都夹少少，加少少咁。呢头沙律都未食完，个lunch set 就已经上枱，果真系中环精神，乜都快过人。系嘅，隔离枱随时坐咗个银行家，人家秒秒钟几百万上落作为蛋控，我先由茶碗蒸食起。热辣辣嘅蒸蛋，蛋味唔算太浓但入口