泰閣 (已結業)

今晚同朋友外出， 行到身水身汗，好想揾个舒服啲嘅地方坐低食晚餐。记得呢头附近有间泰国嘢喺酒店楼下 ，坐得都几舒服所以就拣咗呢一间泰国餐厅食。朋友叫咗海南鸡饭，配冬瓜汤。卖相唔错，味道方面朋友话唔系好好食，但可以接受。而我自己就叫咗泰式虾球炒金边粉。 我本来以为系辣，原来系系酸酸甜甜。 其实都好开胃嘅都啱夏天食，但系份量有啲大碟，食得多对只味道有啲厌。我觉得一般般， 浅尝即可。提外话，餐厅感觉都干净，但系食食下，有只细曱甴系碟下面走左出黎........好核突。我用金边粉碟上面块叶ko左佢见到都唔开胃我地加左钱叫左特饮。。总括而言，呢间泰式嘢其实唔系太好食 ，价钱都唔平，只系环境真系唔错，服务都唔错，坐得都好舒服。注重食到好味泰式味道ge朋友可以试下其他餐厅。