新贊記點心皇

营业中

休息中

今日拎咗半日假覆诊，老公咁岩又放假，一于扮过退休生活，齐齐去叹早茶。店舖装潢光鲜企理，好干净。地方阔落，有舒适嘅卡座、梳化座，仲有几张大枱。点心选择好多，有蒸点、肠粉、包点、蒸饭、煎炸、蔬菜、甜品、饮品等，中午仲有客饭。先开壶普洱（$7/位），香浓甘香，解渴解腻。早茶和下午茶系孖宝优惠时间，点菜纸上嘅粉红字都系孖宝点心，我地点咗两份孖宝。姜汁千层糕（原价 $22 ）及蜜汁叉烧肠（原价 $25）为 孖宝价（$41）。姜汁千层糕软、黏、弹，未食已闻到姜味，好够味，又唔太甜，推介！蜜汁叉烧肠皮薄滑饀靓，份量足，叉烧咸香嫩口，仲加咗啲芫茜，好香！黑椒金钱肚 （原价 $27）及奶皇流沙饱（原价$22」 都系孖宝价（$41）。黑椒金钱肚配有几件腍嫩入味嘅白萝卜。金钱肚爽腍入味，黑椒香辣唔会太劲，好食！奶皇流沙饱圆碌碌，胀卜卜，好靓仔！包身软熟，一咬开，流心状刚好，香滑甜美。另外再散点一些非孖宝但又好想食嘅点心。赞记虾饺皇($32/4只) 透薄柔软嘅外皮包着爽弹嘅虾肉、荀粒，胀卜卜，用料十足。竟然有蒜蓉蒸龙趸 （$47），马上眼发光。又白又滑，食到鱼鲜味，垫底嘅豆卜索晒蒜香，好正！白灼油菜心 （$1