Nardo's Cafe (已結業)

众所周知，旺角有好多楼上cafe，试过好多间，觉得呢度算系唔错。地方唔算好大，但装修几有心思，同埋都算干净，令人坐得安心。Menu上嘅选择都几吸引，不过今次同男朋友黎就叫左二人餐($298)，抵食啲，包嘅嘢多啲。头盘有沙律同忌廉汤拣，我要左沙律，感觉健康啲，而且佢啲配料算多，又够大碟，唔会hea好有诚意；男朋友就要汤。小食系蜜糖鸡翼拼芝士薯条，超级好滋味，前者够香甜，后者够邪恶，系魔鬼与天使嘅配搭。主菜系5拣1，我地叫左个西班牙芝士焗海鲜饭，里面有好多虾同青口，正!饮品包$30，超额就补水。天气转凉，唔敢饮冻野，于是我同男朋友一人叫左一款茶：我要Charming同佢要Blueberry Tea。我𠮶杯Charming好香，有淡淡嘅甜味，好舒服。另外甜品有蛋糕，我地叫左new york cheesecake同 blueberry cheesecake。埋单有加一，除番平均每人$200左右，属中等价格，但佢啲野食真系好足料够大碟，啲staff又好有礼貌，同埋无限时坐耐啲都得，所以都俾得甘心嘅。