金滬庭京川滬菜館 (已結業)

周末，又是吃喝玩乐的日子。一行四人先去饮茶，之后再继续行程。金沪庭，比楼下联邦少人好多，但属同一集团，出品应该唔会相差太远，且环境明显比联邦要好得多，所以来了。食咩野？无心水！待友人发板好了。见佢睇好耐点心纸，终有头绪。点了小笼包、鸡丝粉皮、生煎包、黑腊排骨、海鲜炒面。冷盘的鸡丝粉皮最快送上，粉皮不算太靓，不过麻酱味几重，算是可以接受；小笼包皮有点厚，好在鲜肉馅够，肉汁丰富。黑腊排骨睇落还以为会好甜，原来都唔系，味道岩岩好，且排骨松化，几可口；生煎包外皮又是厚，猪肉只得丁点，质感唔够。海鲜炒面有虾仁、带子、鱼块、蟹柳、芽菜等配料，几充足。个"献"打得不错，不会太稀太浓，够入味，捞面唔错，海鲜配料大致令人满意。最后叫一客甜品，要高力雪糕。外热内冻，应有层层口感，点知外面又唔够热，里头的雪糕亦已溶晒，好鬼差。埋单$360，不便宜，好在环境舒适。