Rimi Cafe (已結業)

哩张枱几靓，有店名既凹凸字，好有立体感，餐厅用左紫绿色配搭，眼球望落好柔和舒服，职员亦好有礼貌，超赞。凯撒沙律($98)，有超多芝士粉，蔬菜亦好新鲜好爽口，仲有面包粒配搭。鲜虾蒜辣炒长通粉($125)，晒上香草碎，摆设得几靓，原先系天使面，我转左长通粉，炒得好香带少少微辣，虾亦都好新鲜。香辣鸡翼($37)，共3只，同样带微辣，鸡翼炸得好脆口。薄荷咖啡($47)，薄荷味够浓够清新，同咖啡搅拌埋一齐好好饮。