影片
更多
2022-04-19
3597 浏览
系openrice search KT有咩食，无意中见到呢间餐厅，评价唔错，几靓又唔算贵，仲有得系openrice订座，于是即刻订座试下。因为系星期日去食，好惊要排队，系工厦入面排队好辛苦又热又冇野行。今次系食之前两日bk。去到，首先工厂大厦楼下要登记，要出示有相证明文件登记，有点麻烦。搭lift上到14楼，要再行一层上15楼呢间餐厅。去到系11:55，仲未开门，写住准备中，好担心会唔会系红日唔开。最后系好准时，真系1200先开门，有店员走出嚟叫大家排队入去，估唔到竟然都有成十个人等开门。有一家人冇订位冇得入，店员要2pm后。的确店内座位不算多，十枱人左右，间隔舒适，坐得舒服，用餐时间90分钟。座位冇得拣，等职员安排比你。主打hamster，门口一堆公仔，某d座位有只公仔，唔会枱枱有，不过我自己本身对hamster冇兴趣所以冇所谓。今日系星期日，所以冇lunch set，食weekend brunch，晏d下午时段照有假日下午茶。但a la carte menu就冇，佢话要晚餐先有，所以想叫d小食/叫其他主菜都唔得，只可以叫weekend brunch menu。一坐低，店员就同我哋同
去到，首先工厂大厦楼下要登记，要出示有相证明文件登记，有点麻烦。搭lift上到14楼，要再行一层上15楼呢间餐厅。
去到系11:55，仲未开门，写住准备中，好担心会唔会系红日唔开。最后系好准时，真系1200先开门，有店员走出嚟叫大家排队入去，估唔到竟然都有成十个人等开门。
有一家人冇订位冇得入，店员要2pm后。
的确店内座位不算多，十枱人左右，间隔舒适，坐得舒服，用餐时间90分钟。
座位冇得拣，等职员安排比你。
主打hamster，门口一堆公仔，某d座位有只公仔，唔会枱枱有，不过我自己本身对hamster冇兴趣所以冇所谓。
今日系星期日，所以冇lunch set，食weekend brunch，晏d下午时段照有假日下午茶。
但a la carte menu就冇，佢话要晚餐先有，所以想叫d小食/叫其他主菜都唔得，只可以叫weekend brunch menu。
一坐低，店员就同我哋同隔离个枱讲，话冇蒲烧潮鲷鱼腩，好失望因为最想试呢个！佢话冇货番，好，冇得食都唔紧要，点知之后入座个两枱又有得食，两枱上菜个阵店员都话系烧鲷鱼腩。即刻心谂，点解人哋又有得食？唔通bk位个阵bk埋个鲷鱼腩？但之后几枱都有得食㖞，即刻好无奈。
我哋就叫左唐扬南蛮鸡定食同和风全朝食。
南蛮鸡定食
有前菜、汤，饮品包普通热饮，冻饮加钱，特饮半价
前菜麻酱豆腐不错，豆腐好滑，麻酱好香
汤系昆布蛋花汤个款，比面豉汤好，清清地。
炸鸡好大件，有6旧，配他他酱。
个他他酱好好味，好夹炸鸡，有d沙律蛋碎系入面，几好食。
炸鸡好大件，但一d都唔厚粉，冇油益味，一个人食6件都唔觉得滞/溜。
而且炸得好脆，食之前影相可能都影左十分钟，但都仲系好脆。
食炸鸡最担心炸粉厚、唔够脆、鸡有雪味、鸡肉有筋、太油太腻，呢度以上嘅问题都冇，个炸鸡好好食。
和风全朝食
叫做比洋风特别少少，各样食物都唔错
玉子烧几香，菇有黑松露味但适中唔会太劲，薯饼热辣辣外脆内软，饭团几够味，鲭鱼尾不太多骨而且煎得香脆，蕃茄几新鲜上面仲有罗勒，粟米叫做面豉粟米但冇乜味
半价加特饮
白桃梳打，比较淡冇乜味
草莓smoothie，比较甜，唔太士多啤梨味
96 浏览
0 赞好
0 留言
总结环境舒服坐得舒适，食物唔错，尤其系个炸鸡非常出色，但冇得食鲷鱼腩呢件事始终令我非常不解。
张贴
