永華日常 (淘大商場1期) (已結業)

睇舖名差啲会错意系卖黯然销魂饭啲friend，普通茶记之流，加上见星期日晚6点几仲系冇乜食客就差啲却步。睇真啲见佢都装修得靓靓仔仔，又多梳化卡位，新开冇耐咁滞，谂住至少唔啱食都啱睇……餐牌都唔流于一般茶记嘢食，叫有啲特别搞作（见图），有wifi供应方便手机落单。腐乳腊肠fusion意粉都唔系咩新鲜感，稍为亮眼系用老字号廖孖记，底汁已混左腐乳汁，再放粒方糖大细嘅腐乳喺面，捞唔捞匀自己拣，同埋唔会咸到要清水洗脷。不过如果腊肠再切碎啲再加啲鸡脾菇之类嘅菌类索吓汁会再圆满啲。咖喱鸡饭系中间中上交界水平，食唔到辣都觉得唔辣，系欠左啲椰奶香，饭两三碗啱佬食嘅份量，就系汁偏少。最后嗌咗碗合桃糊润番吓，虽然冇合桃碎咬口，但够香又磨得够滑够柔润，拿拿声叹完。地方方便倾吹水，会翻叮。