Tom N Toms Coffee (已結業)

11点未够行经新城市，见到一个门外仍然有花牌既cafe仔，咁就心思思决定要试下新野啦!因为附近食午市既餐厅都未开门 舖面细细，但装修都大致精致，感觉舒服!坐位大约只有十余个，其他位置就系店员既工作枱同蛋糕柜啦。叫左个墨西哥鸡肉薄饼同蜂蜜芝士吐司，分别都加左钱用套餐价配两杯热饮。上菜时间以即叫即做黎讲算几快，唔洗等太耐。先上左墨西哥鸡肉薄饼，大小适中，2个女生啱啱好。薄饼上怖满芝士同香草碎，但略嫌主菜-鸡肉偏少。如果鸡肉份量稍为多少少就更满足啦。因为而家个感觉似系芝士粟米薄饼多啲，不过值得一赞既系饼底焗得刚好，微微焦，入口香脆，一啲都唔腻。之后上菜既就系蜂蜜芝士吐司，蜜糖味很香，再加上吐司一早已经切去包边，未食已经加左分。将吐司切开时夹层既芝士造到好似pizza甘有拉丝既效果，而且吐司好脆身，味道食落甜甜咸咸几得意。不过蜜糖太甜，芝士的味道有少少被盖过既感觉。只于两杯热饮，cappuccino 同柚子茶就中规中矩啦。