米走雞Deluxe (已搬遷) 新店位置

周日晚约好其中一位入住铜锣湾富豪酒店o既靓女舞友一齐去老兰参加新开张o既阿根廷探戈舞会，舞前两口子就喺附近一家火锅店「米走鸡Deluxe」度快速打咗个边炉医医肚。踏出升降机门，即可望到「蓝妹啤酒」鲜黄色o既广告，身为小粉丝o既XO仔当然亦立心要啤一啤佢啦！点知舞伴话想试试中国代表，所以就叫咗枝「青岛啤酒」，嘻嘻，各有各啤仲过瘾。因饭后有意劲歌热舞，二人最终决定弃选芝士鸡煲，简单点咗个「滋润养颜汤」，加配几款蔬菜、豆腐、饺子、丸物作轻膳晚餐。写好𩠌，哥哥仔随即送上豉油及配料俾我地自己混酱（酱料费$12/位）。滋润养颜汤（$68）：如果唔系外籍女伴讲起真系唔会留意到，佢形容个汤底好清甜润喉，但就好意外入面原来有咁多材料，即木耳、木瓜、红萝卜、杞子、红枣，用上木瓜配中国药材，个组合好新颖咁话。生菜（$22/半份）：生菜鲜绿爽脆，食落仲索索声添。蜂巢冰豆腐（$22/半份）：靓女话想食豆腐，细佬见到依味「蜂巢冰豆腐」𠮶名咁搞野，所以就叫咗半份黎试。原来冰冻o既豆腐外表呈蜂巢o既色泽及形态，煮熟咗其口感则松腍带爽，都几得意。手打五宝拼盘（$88）：手打五宝拼盘内含五款手打丸物，每款有两粒，相片左起