影片
更多
2024-11-16
1240 浏览
一讲起山东烧鸡就令人谂起老京菜，估唔到系船记嘅旧舖开左间新店日月楼，睇名以为系普通中菜，原来班底就系来自美利坚京菜，松竹楼同新洪长兴饭店几间有名嘅京菜，呢次食完日月楼就成为一间几喜欢嘅餐厅，旨在复刻八十年代的饮食情怀，经典诠释那时代的旧味道。当日四个人都食到几种唔同嘅野，朋友话佢哋嘅红扒通天系劲出色，就算下午都值得留一份同大家食下，汤底够浓，通天翅的份量又够多，周末下午咁样食法又点会唔满足。坊间不多地方提供的盐爆管廷，以猪的罕见部位猪气管为焦点，你看到个粗度一致的幼条就知刀功几劲，洗净后的管廷先经汆烫两小时去除味道，绝对吃到手工菜最讲嘅技巧。平日唔特别好羊肉嘅我都完全唔抗拒大葱羊肉馅饼，原因个馅饼外层做得好好，入边嘅羊肉亦都非常之Juicy，后入去有一堆肉汁喷射出嚟，同出名京菜嘅地方，甚至之前喺内蒙食过嘅都有得较高下。为左山东烧鸡而来，我想起嘅系鹿鸣春的美好回忆，呢个鸡点埋佢个酱汁更正。北京填鸭当然不能不点，即切即食，酱香细腻的自家调配磨豉酱及砂糖，加人手工制非常透薄饼皮，就咁食同加薄饼皮，再加埋京葱及青瓜条食，我建议每个食法都值得试一次。虾子锅塌豆腐就够清新得来又好食，另外干炒牛肉丝
一讲起山东烧鸡就令人谂起老京菜，估唔到系船记嘅旧舖开左间新店日月楼，睇名以为系普通中菜，原来班底就系来自美利坚京菜，松竹楼同新洪长兴饭店几间有名嘅京菜，呢次食完日月楼就成为一间几喜欢嘅餐厅，旨在复刻八十年代的饮食情怀，经典诠释那时代的旧味道。
当日四个人都食到几种唔同嘅野，朋友话佢哋嘅红扒通天系劲出色，就算下午都值得留一份同大家食下，汤底够浓，通天翅的份量又够多，周末下午咁样食法又点会唔满足。
坊间不多地方提供的盐爆管廷，以猪的罕见部位猪气管为焦点，你看到个粗度一致的幼条就知刀功几劲，洗净后的管廷先经汆烫两小时去除味道，绝对吃到手工菜最讲嘅技巧。
平日唔特别好羊肉嘅我都完全唔抗拒大葱羊肉馅饼，原因个馅饼外层做得好好，入边嘅羊肉亦都非常之Juicy，后入去有一堆肉汁喷射出嚟，同出名京菜嘅地方，甚至之前喺内蒙食过嘅都有得较高下。
为左山东烧鸡而来，我想起嘅系鹿鸣春的美好回忆，呢个鸡点埋佢个酱汁更正。
北京填鸭当然不能不点，即切即食，酱香细腻的自家调配磨豉酱及砂糖，加人手工制非常透薄饼皮，就咁食同加薄饼皮，再加埋京葱及青瓜条食，我建议每个食法都值得试一次。
虾子锅塌豆腐就够清新得来又好食，另外干炒牛肉丝加上叉子烧饼都系较特别令人有惊喜的京菜，不过干炒牛肉丝送饭应该更不错。
尾声的拔丝香蕉同高力豆沙香蕉朋友都话好推荐，个人喜欢前者，做得好靓而味道都好有水准，爱呢类京点嘅绝对值得来一试。
日月楼 (湾仔)
湾仔船街1-7号宝业大厦地下1号舖及1楼
张贴
