船皇 (大埔超級城) (已結業)

今日去左大埔工作，lunch TIME就去咗呢間叫船皇去食碗麵，想試下係咪真係可以稱得上皇我叫咗船皇湯麵，仲加咗錢升級和牛片，和牛肉味真係幾濃味又滑又淋，麵底我揀咗河粉，口感爽口，粗幼平均，唔會令你食食下斷開可以大大啖咁食，感覺好滿足，相信係挑選食材方面有研究先可以揀到呢種比一般餐廳更好既品質另外我覺得湯底味道都好好，濃度剛好，唔會太咸太淡同行友人食咗船皇撈麵，佢都好滿意肉好味，汁濃郁我哋揀咗飲泰奶茶，呢個大杯，又冇冰，好抵飲，加上只係加8蚊，正呀！簡簡單單食個lunch都可以咁滿足，建議大家可以試下呢間船皇