泰濃麵 (樂道)

营业中

休息中

最近爱上食船面，今日喺尖沙咀行完街之后，上网揾吓附近边度有船面食，就search到呢间泰浓面。先嚟一个泰式小食拼盘，包括有泰式炸虾饼、炸鸡翼、炸芝士云吞各两件，呢个份量对于我哋两个人来讲真系啱啱好。炸虾饼够弹牙，点埋甜酸酱好好味，而芝士云吞出面就比较少见，味道亦充满惊喜。我就拣咗顶级美国肥牛船面配薯粉，船汤味够香浓，肥牛呈半熟状态，所以入口仍然保持鲜嫩。朋友就拣黑豚肉船面配金边粉，原来黑豚肉浸过船汤之后味道变得非常丰富，再加埋金边粉弹牙烟韧嘅感觉，配搭充满惊喜。饮过浓浓嘅船汤之后，再饮啖椰青，真系以为自己去咗泰国现场咁有风味。