船皇 (謝斐道) (已結業)

好耐无食过泰国嘢，系铜锣湾行街经过见到呢间食船面既餐厅，门口有人等位，价钱又唔系贵，就入去试下。星期六下昼嚟，周围都要等位，呢度等咗五分钟入得去，都唔算太耐。佢既面有分捞面同汤面，因为之前食船面都系钟意佢个浓汤，所以今日都系拣返汤面，朋友就试下新嘢拣咗捞面，呢度就有大细碗拣，食细碗就可以连埋其他小食一齐食，试多啲，不过因为我地都好肚饿又当正餐食，就叫咗船面既大碗，又咩𩠌都有。Menu好贴心有show埋可以拣咩面底，食泰国嘢我就梗系拣金边粉啦。我叫既船皇汤面($58)，每样食物有小小，有鸡翼、牛腩、肥牛、肉丸、鸡翼同猪润等等，根本上全部味道都不错，最钟意食系个两粒肉丸，食落去都弹牙。而个汤底好香浓，唔会太咸。朋友叫既船皇捞面($58)，𩠌就同我一样，大家都share咗小小俾大家，个人觉得汤面比较香浓同无咁干身，啱自己食啲。如果觉得唔够味枱面都有一啲酱料例如鱼露等可以加。饮品我地见到人地枱个涷泰式奶茶好特别就跟住叫咗，跟餐系加$18有得饮，个色水一睇就知系thai tea，之前饮过既thai tea都算几甜，但呢个就唔会，甜度啱啱好，茶味又几香，而且个卖样特别都有加分。