漁港艇仔粉 (鴨脷洲大街) (已搬遷) 新店位置

行完鸭脷排落返山，消耗咗好多体力劲肚饿，于是急不及待去咗鸭脷洲大街揾好嘢食医肚。✨招牌艇仔粉一碗有好多𩠌，有鱼蛋、烧鸭、叉烧同埋红肠等等，非常丰富。艇仔粉粉量都几多，粉条够滑，唔会煮到腍哂，味道不过不失。艇仔粉嘅汤底奶白色的饮落好清，带有淡淡鱼鲜，饮完都唔觉有味精味。✨招牌炸物拼盘炸物份量比想像中少，每种只有两件。云吞炸得几香脆，炸鱼片头同其他丸类就一般般，外皮已经腍左唔脆。旁边有泰式酸辣酱可以点来食，味道无咁寡。