影片
更多
2022-06-08
1230 浏览
打边炉嘅黄店选择真系唔太多，见呢间任食火锅喺Mee评分有成4.7分就即管试试佢！试完觉得食物质素喺兆万嚟讲算唔错🤭，环境系好干净好好坐，而且店员服务态度好好，又有请聋哑人士💛同埋落单有得用平板拣要一份定半份，饺子／丸直头可以拣要几多粒，人少少去都可以试多啲嘢～ 价钱就$288加一，另收酱油费$18/人，大家记得打电话/ openrice订枱有8折优惠‼️▪️汤底▪️我哋加咗$20要鸳鸯锅～拣咗黑松露杂菌拼沙嗲，第一次用黑松露汤底打边炉感觉几特别🤣，入面有劲多杂菌同埋好香黑松露味，钟意黑松露嘅话可以试试！另外沙嗲汤底好浓郁，除左沙嗲嘅香仲有满满花生碎😍▪️海鲜拼盘▪️每枱都有一盆海鲜拼盘送，份量系跟人头计嘅，我哋得两条友所以个海鲜拼盘都几迷你下🤣有虾、鱼、蚬等，老实讲就唔算超新鲜，不过咁平嘅任食火锅都冇得咁高要求～▪️肉类▪️每枱都有一客顶级肩胛肥牛肉送，当然呢只肉一定系比较靓比较重牛味🤭，不过想继续食牛都有普通肥牛/滑牛可以任叫任食。我哋超级推介猪颈肉，好厚身好爽口😍，另外黑毛猪腩片同鸡髀肉都要试吓呀👍🏻▪️丸／饺▪️呢间都有几多特别口味嘅自家制丸／饺子～我哋比较推荐嘅系蟹子墨鱼滑、虾滑、金沙鱼丸、芝士
▪️汤底▪️
我哋加咗$20要鸳鸯锅～拣咗黑松露杂菌拼沙嗲，第一次用黑松露汤底打边炉感觉几特别🤣，入面有劲多杂菌同埋好香黑松露味，钟意黑松露嘅话可以试试！另外沙嗲汤底好浓郁，除左沙嗲嘅香仲有满满花生碎😍
▪️海鲜拼盘▪️
每枱都有一盆海鲜拼盘送，份量系跟人头计嘅，我哋得两条友所以个海鲜拼盘都几迷你下🤣有虾、鱼、蚬等，老实讲就唔算超新鲜，不过咁平嘅任食火锅都冇得咁高要求～
▪️肉类▪️
每枱都有一客顶级肩胛肥牛肉送，当然呢只肉一定系比较靓比较重牛味🤭，不过想继续食牛都有普通肥牛/滑牛可以任叫任食。我哋超级推介猪颈肉，好厚身好爽口😍，另外黑毛猪腩片同鸡髀肉都要试吓呀👍🏻
▪️丸／饺▪️
呢间都有几多特别口味嘅自家制丸／饺子～我哋比较推荐嘅系蟹子墨鱼滑、虾滑、金沙鱼丸、芝士紫菜虾蟹饺。
蟹子墨鱼滑同虾滑食落好弹牙；金沙鱼丸入面系流沙咸蛋黄劲特别😍；自家制芝士紫菜虾蟹饺，只饺超多料超大只😱，口感都几特别，只系略嫌饺子皮厚咗少少🤏
▪️小食▪️
金沙咸蛋炸鱼皮真系必食呀！即炸劲脆口，放入火锅一秒个半脆口嘅口感都好正！由于我地得两个人食唔到好多，下次真系要试埋即炸响玲先得🤔
▪️粉面▪️
数过有成13样唔同嘅粉面😱，任食嚟讲真系算好多，比较特别嘅有墨汁面、甘笋面同埋菠菜面，不过今次我地都系普普通通食个粉丝🤣，吸收晒黑松露汤底嘅精华好正😍
张贴
