魚木日台美食

营业中

休息中

大企连锁店当道，小店难做仍有良心，同事们都应网上响应，虽然唔熟路但我哋都齐心撑小店。原来喺新都城行过去大概5-10分钟左右，我哋行到商场兜咗个圈就揾到。小，店主食有12款，以饭为主，只有一款系意粉，小食选择比较多，职员好有礼，食物亦好快制作好。我哋返到公司打开，食物仲暖，包装亦几衞生，味道唔错，价钱都好公道。小食(现场即食一定好味好多)：王牌玉子烧，蛋好嫩好厚食，啱啱熟，拎到返嚟仲系好好味。台式盐酥鸡，返到嚟淋咗，都几好味，鸡肉一啲都唔鞋。墨鱼双拼(墨鱼饼拼咀)，墨鱼饼唔弹牙，鱼咀几好。芝士烟肉炒意粉，味唔浓适中，简简单单。鳗鱼炒饭，鳗鱼唔算多，饭都几大盒，鳗鱼汁几香。滑蛋鳗鱼饭，鳗鱼几大块，蛋真系好滑仲好多，好味抵食。