小排檔懷舊車仔麵

营业中

休息中

去完石硖尾覆诊, 就系附近揾地方食LUNCH, 比我见到有一间名叫怀旧车仔面小排档, 好耐又无食过车仔面, 就拣呢间啦 !怀旧车仔面小排档属于小店,地方不是好大, 但胜在够清洁。仲有部电视呀 !自助形式坐低后系餐纸拣选食物再交比职员。除左散叫之外, 仲有套餐比你拣。细心再睇, 餐厅系良心小店, 可以购买饭券赠送比独居或有需要的人。抵赞 !除左面仲有一个地盘优惠餐, 仲有自助靓汤呀 !我拣左 $48 仲可以拣六款价钱不限的𩠌及送豆浆一杯。既然不限价钱的𩠌, 我就拣左以下 :幼面 + (豆卜, 包心贡丸, 时菜, 秘制牛坑腩, 鱼肉, 蜜煎厚餐肉) + 细豆浆职员见我满头大汗, 仲细心问我要不要加大豆浆, 因为热豆浆要加$3。见到隔离枱杯细豆浆都唔细, 所以都无转了。咁多款𩠌, 估唔到样样都啱我心水。尤其秘制牛坑腩, 至少有5-6件, 而且入味够淋身。鱼肉劲多, 午餐肉够厚煎得香, 豆卜原粒上, 唔会切开)眼见有食客和职员有倾有讲, 小店应该多街坊支持, 而且整碗面的确好食, 用心制作真系难得。