王孖記果子 (已結業)

舖头细细，但生意超旺既荔枝角小店。平时主力卖黄姜饭同芒果糯米糍。过时过节会推出节庆食品，今个新年就出左4款贺年糕点预订，短时间内已经full哂无得再加单。第一款，黄丝萝卜糕，同传统萝卜糕既颜色唔一样，系因为加左黄姜制作，简单切粒煎香已经好好味，而且食得出好足料。最推荐呢款！第二款，良芝麻糕，唔系普通用芝麻粉制作，而系亲自磨碎芝麻加工而成，超浓芝麻味，冻食一流！第三款，齐齐奶黄糕，味道唔算好浓，但非常好味。而且攞货果阵仲会温馨提示埋食用期限，因为全部都无落防腐剂，所以唔可以存放好耐，一般10日内就要食哂佢。第四款，香芒加柚糕，就是芒果柚子糕。四款入面，反而觉得呢个相对普普通通，芒果同柚子既味道都岩岩好，略嫌味道偏淡。糕点既份量大概系一个250ml既纸包饮包咁上下大小，姐系一人份量，当一个正餐咁食都几足够。