咖啡灣 (粉嶺中心) (已結業)

呢日去到粉岭附近度食饭， 我哋呢日想食西餐， 记得上次嚟过呢一间餐厅感觉几好， 餐厅都有个小角落放抗疫物品， 入餐厅都有派胶套放口罩。软壳蟹黑松露忌廉意大利面呢个意大利面有少少西日fusion嘅感觉， 软壳蟹 个人感觉系比较日本的食物， 每啖意粉都有香浓嘅黑松露忌廉汁， 个意粉几挂汁， 配原只炸软壳蟹， 软壳蟹炸到酥脆。香辣蒜香蚬肉意大利面相对起另外一个意粉， 呢一个比较冇咁heavy， 几适合健美中嘅人士， 意粉好香蒜味， 仲有蚬肉嘅鲜味 ，但唔算太辣。爆趣蜜糖芝士炸鸡配薯条沙律热辣辣嘅炸鸡配咗蜜糖和芝士粉， 炸浆够脆， 但唔会好厚粉， 炸鸡啖啖肉， 保持到肉汁 ，唔会炸到干身， 酱汁有茄汁，蜜糖芥末酱和蓝莓酱。紫薯窝夫窝夫即叫即制， 需要等大约10至15分钟, 配日式小紫薯， 紫薯雪糕 ，士多啤梨等其他配料， 窝夫外脆内软， 唔会过甜， 份量都唔细， 适合2至3人分享棉花糖冻朱古力朱古力够浓， 就算冰溶咗大约一半， 对朱古力嘅味道都唔太大影响。