手工漢堡

营业中

休息中

平时放学补完习都会谂起手工汉堡，因为价钱公道之余，每个汉堡都系即叫即整，每个汉堡都好足料，面包会烘底，安格斯汉堡除咗有一层差唔多3cm嘅汉堡，仲有煎到好脆好香口嘅烟肉，仲有啲蔬菜配料，例如生菜青瓜，蕃茄洋葱，令到成个汉堡食落去唔会太油腻，口感非常丰富！仲有老板好friendly好好人，而且等候时间都唔耐。星期一至五都会有套餐，嗌完主食（例如汉堡意粉），仲有小食例如薯角薯条（之前试过黑松露薯条超好食），仲有餐汤（试过洋葱汤罗宋汤同埋蘑菇汤全部都好好饮）同埋嘢饮，都只系$60起，所以真心推荐！