裕譽燒味專門店

营业中

休息中

同老公去完花墟买花💐，咁啱行过附近见到间烧味店都几多人食，就简简单单食个饭啦。 金牌原只烧鹅髀饭（单拼）：鹅脾好大只，表皮香脆，肥瘦均匀，外脆内嫩，入口松化，加埋啲酸梅酱嚟食就更加可以带出烧鹅嘅味道🤤🤤。加$20有碟油菜，啲菜都几翠绿。另外堂食正价时段亦免费有例汤，个汤好够火喉，而且感觉无咩味精，绝对真材实料😋。 烧鹅五宝饭：有烧鹅、油鸡、叉烧、烧腩仔、咸蛋，一次过可以试晒5款唔同嘅嘢食。㶶边叉烧有阵阵焦香味，入口松软；油鸡肉质嫩滑；烧腩仔亦皮脆肉嫩。 一片片薄切嘅熏蹄外皮爽口，肉质腍滑。 呢间绝对系一间良心小店，凡穿著校服、出示全日制学生证购买外卖饭盒都会平$10👍