Sogno Cafe+ (已結業)

🐷🐷星期四感謝日精選：中環Sogno Cafe!☕️🐷🐷又去試黃店啦！💛小店老闆係科大人，除左悼念周同學之外，有大量文宣post係FB專頁，有參與罷工，遊行期間又提供休息地方同小食！🐷🐷未食野就送黎welcome drink! 蘋果山楂水酸甜又開胃！佈置又好靚，有好多識笑嘅雲😊☁️同埋公仔🧸！入到去就咩唔開心野都放低晒啦！🐷🐷Set lunch包一主食一飲品，仲可以加錢轉特飲/咖啡☕️！亦可以加錢要小食！玫瑰雞翼真係好好食😋必試！皮好脆，又有蜜糖同玫瑰香味！主食出名係蛋包飯，當日蛋包飯就唔岩我哋🐷食所以冇試啦 我地就叫左雞柳菠菜焗螺絲粉，有芝士菠菜汁係面，但食落唔會好漏好咸，雞柳好滑，份量岩岩好！夠胃口食埋加錢換既雞翼！PS: 老闆真係好好人！1個人食佢比左2人位叫我坐得舒服d慢慢食，野食黎晒就有2位walk in客，佢竟然唔叫我調去窗邊位仲叫佢地下次book位再黎！好在我聽到自動搬位，最後埋單比左85折優惠@@！我堅持比正價，佢就吸多左幾個印花叫我下次再黎！（印花可換小食/咖啡/主食...）良心老闆真係要多多支持啦！❤️