茶餐廳2.0 (已結業)

咁多间茶记任你拣有咩条件先至系最紧要呢，，当然系有良心啦，呢间cafe 2.0仲要唔只有良心，仲要系好好食。今日晏昼喺大埔中心想揾个下午茶食，即刻就谂起呢度。朋友话有少少肚饿所以叫咗个午餐。今日试呢个巴基斯坦咖哩鸡翼饭，真系好有诚意。个咖哩汁唔太辣但系整得好好，好多唔同嘅香料喺入面。唯一美中不足嘅系鸡翼得四只，要多两只先够饱。而我就叫咗呢个下午茶，芝士焗热狗，热狗加咗芝士酱同埋沙律酱先落去焗，即刻觉得冇咁颓。薯条系粗薯条，炸得好够味。加埋杯冻饮真系冲得几好，茶底够香。下次再食过。