韓家韓國料理 (已結業)

由顾客变朋友都系一种缘份，大家意念相同更系同路人，今日无话不谈嘅朋友请我哋一家食饭，选择位于观塘嘅韩式餐厅。大概下午一点半仍然要排队，等咗大概二十分钟有位安排入座。就喺门口位置见到好多同路人嘅心声，另外仲有BB櫈，虽然舖仔细细，但仍准备充足，好细心。坐低后睇过吓食物，午餐选择唔多，我哋每人点咗一份午餐，两份小食。食物方面虽然味道无咩惊喜，但价钱公道，感觉良好，就系呢种平淡有家的味道值得支持。大家食吓嘢倾吓计，直至职员通知四点三系落场时间，不知不觉已经两个钟，埋单后，大家一路行一路倾去到车站，直到挥手再见。餐前小食，每个午餐跟一份，有薯仔，青瓜同芽菜，薯仔好味。韩式烤肉饭(鸡)，鸡肉稍有少少鞋同干，菜嘅酱几好味，原本以为系剩白饭会好干，原来底亦有少少汁，无油腻感，整体感觉健康。韩式烤肉粉丝(牛)，朋友话几好味，配菜多，唔太咸，佢都成碟清晒。滑蛋盐烧三层肉饭，蛋虽然熟，但真系做得几滑，三层肉食落唔会满口油又唔鞋，饭底有酱汁，唔错。追加小食：+$18韩式炸鸡(柚子蜜)，柚子蜜令到鸡块无咁脆亦无咁热气，酸酸甜甜几好味。+$12韩式杂菜煎饼，薄咗啲又干咗啲，个辣酱几特别。+$3冻清净园红醋。+$