茶星人 (富榮花園) (已結業)

喺大角咀想饮珍珠奶茶嘅选择唔算多，不过最近就开咗一间良心茶饮店。呢间茶饮店之前喺美孚已经有分店，我每次去美孚都会帮衬下，支持下良心经济圈，今次佢喺大角咀开分店，我当然都要试吓啦。手工芋泥乌龙鲜奶手工芋泥好足料，饮落除咗有好香浓嘅芋头味之外，仲会有粒粒嘅芋头，带有口感，而乌龙茶嘅味道亦都冇比芋泥完全抢走，乌龙茶茶味都香浓。饮完呢一杯茶星人特调之后，都几饱肚。芝芝芒芒夏天总系会想饮有关于芒果嘅特饮，而芝芝芒芒都系我近年嘅大热之选。清新嘅芒果配上浓厚嘅芝士奶盖，的确系绝配。呢度嘅芝士奶盖都做得几出色，够香够浓之余，再配上适量嘅盐味，更加能够带出芒果嘅鲜味。