影片
更多
2021-07-27
2602 浏览
随着自己嘅年龄选择餐厅嘅要求都愈来愈唔同。细个时候嘅要求就系冇乜要求/平靓正；人愈大，再好食再难食嘅野都应该慢慢试过，反而会著重𠮶环境/同你一齐食饭嘅人。我所讲嘅环境未必要系一个好靓，服务招呼好好嘅地方。有时太靓太好嘅野只系令自己周身唔聚财。Well，同爱情💓一样，唔系揾条件最好，喺揾𠮶岩自己嘅，适当嘅时候就留番喺自己嘅comfort zone入面。愈吹愈远，讲返今日间食店 - 珠江饭店大排档式嘅舖头分上下两层，铺头都几老式。卖嘅嘢一啲都唔贵，普通小菜都系一百几十蚊碟，价钱都几贴地。今次我地三条友仔6点半就到，坐咗上层，叫咗5碟𩠌2支蓝妹；叫完𩠌之后就愈来愈多人嚟，同埋愈来愈嘈，到7点左右上层就差唔多满人。蚝爽 $118第一碟上菜嘅𩠌，唔知系咪因为肚饿嘅关系，觉得好好食，难得喺我哋三条友都觉得好好食。蚝唔喺好大粒，应该喺沾咗层啲炸浆后就拎去炸。外边嘅炸浆好薄，一咬就喺蚝肉，细细粒，新鲜好食，非常推介。9/10XO酱蝴蝶腩 $108（猪）开头我哋以为蝴蝶腩喺牛肉，问左店员先知喺猪。上菜𠮶时我又觉得好奇怪，XO酱炒嘅嘢系咁嘅样？！咁又系嘅XO酱间间都可以唔同。依碟𩠌酸酸辣辣，一食落去都唔喺
选择餐厅嘅要求都愈来愈唔同。
细个时候嘅要求就系冇乜要求/平靓正；
人愈大，再好食再难食嘅野都应该慢慢试过，反而会著重𠮶环境/同你一齐食饭嘅人。
我所讲嘅环境未必要系一个好靓，服务招呼好好嘅地方。有时太靓太好嘅野只系令自己周身唔聚财。
Well，同爱情💓一样，唔系揾条件最好，喺揾𠮶岩自己嘅，适当嘅时候就留番喺自己嘅comfort zone入面。
愈吹愈远，讲返今日间食店 - 珠江饭店
大排档式嘅舖头分上下两层，铺头都几老式。
卖嘅嘢一啲都唔贵，普通小菜都系一百几十蚊碟，价钱都几贴地。
今次我地三条友仔6点半就到，坐咗上层，叫咗5碟𩠌2支蓝妹；叫完𩠌之后就愈来愈多人嚟，同埋愈来愈嘈，到7点左右上层就差唔多满人。
蚝爽 $118
第一碟上菜嘅𩠌，唔知系咪因为肚饿嘅关系，
觉得好好食，难得喺我哋三条友都觉得好好食。蚝唔喺好大粒，应该喺沾咗层啲炸浆后就拎去炸。外边嘅炸浆好薄，一咬就喺蚝肉，细细粒，新鲜好食，非常推介。9/10
XO酱蝴蝶腩 $108（猪）
开头我哋以为蝴蝶腩喺牛肉，问左店员先知喺猪。上菜𠮶时我又觉得好奇怪，XO酱炒嘅嘢系咁嘅样？！咁又系嘅XO酱间间都可以唔同。依碟𩠌酸酸辣辣，一食落去都唔喺几对路，d猪骚味都几劲，好心啦拖多几次水，揾姜爆佢几下都好丫。
非常不推介。1/10
避风塘炒茄子$88
碟𩠌一上枱嘅时候，我哋三条友都觉得点解咁大阵美极既味道😂
食落先知，佢避风塘啲炒料「炸蒜头花椒洋葱辣椒干」应该加咗美极去炒。
炸浆唔算太薄都唔系太厚，热辣辣，都几好食。
普通推介。6/10
辣子鸡$98
碟𩠌一上枱嘅时候，又系一阵美极既味道😂
碟鸡嘅卖相一啲都唔讨好，成只鸡脚对住我。鸡件切到好细粒好细粒好似返咗大陆食。
味道都几咸下，食落都隐约食到阵鸡嘅味道，应该系冰鲜鸡。
其实都几咸下，但呢碟𩠌应该系要咸嘅，用嚟配下啤酒都唔错。普通推介。5/10
最后一味菜
?!虾干小炒皇 $??
由于饮左温下温下，碟菜叫咩名几多钱都唔记得mark。
碟菜都好食，小炒皇其实真喺落咩炒都得，一见到有我最中意煮，好鬼有益嘅鲜淮山，我就加佢1分。
好食，有获气，难得系大排档食到鲜淮山。
小小推介。6.5/10
今晚嘅月亮🌕好圆好近，但唔知点解望住𠮶月亮总系觉得有啲忐忑。
Mcmug综合评分：7/10。以大排档嚟讲，水准算几高。当然食大排档都喺要撞下手神；睇吓个师傅心情；当日嘅材料新唔新鲜；同埋自己点叫𩠌。但至少依餐好过我上星期食嘅爱文生都几多下。
张贴
