真妮 (已結業)

喺新都城行街发现咗一间色彩缤纷嘅汉堡包店！一入餐厅就有种好梦幻嘅感觉, 墙上排满一行行五颜六色嘅圆点, 装修好Colourful🌈一睇个餐牌就发现啲菜式名好搞笑😆, 例如有「咸鱼翻生鱼柳汉堡」、「挂羊头卖羊肉汉堡」等等, 充满港式玩味呢！全部都系即叫即整, 制作用心, 食物价钱唔贵, 性价比高！汉堡包免费配薯条/沙律, 仲有二人套餐选择, 更抵食！除咗有汉堡包, 仲有蛋包饭、pizza、小食供选择🍔含菌量超标汉堡汉堡大大个, 个面包好松软, 大啡菇厚身又多汁, 食落好Juicy, 里面仲夹住白菌片、番茄🍅、生菜🥬、黑松露酱, 好味又满足😋！🍔大菇拉出省城汉堡汉堡包好巨型, 真心有惊喜😍！个包有烘过, 表面脆身, 咬落去好松软, 上面有白芝麻粒, 令到个包更香口～ 中间夹住慢煮牛肉汉堡扒、大啡菇、番茄🍅、生菜🥬、半溶芝士🧀、洋葱🧅, 食材好丰富！汉堡扒肉质粉嫩且多汁, 牛肉味浓, 加埋大啡菇同秘制他他酱, 个汉堡包更加Juicy, 味道层次丰富！明太子鸡翼去骨鸡翼酿入明太子, 咬落去啖啖肉, 皮脆肉嫩, 明太子馅料丰富饱满, 更添一份咸鲜～