8Five2 Restobar

营业中

休息中

Item: 8Five2 Restobar
Rating: 5
Author: yeukshuenfung

4.5

941 食记

味道

环境

服务

卫生

抵食

43565

尖沙咀

$101-200

墨西哥菜

832

yeukshuenfung

等级4

748

尖沙咀依间「8Five2 Restobar」主打正宗墨西哥菜，Staff主要都系Non-local嘅人，所以落Order都系用英文，每碟菜式都色彩缤纷，好似将彩虹食咗落肚咁，菜式份量多，健康又饱肚。*此餐厅收取加一服务费。辣椒虾墨西哥卷饼（单点$148），虽然只系得两件卷饼，但两件卷饼都包得超扎实，如果系正常人食量的话，食完都应该已经几有饱足感；内有虾仁、芝士、Brown Rice炒饭、墨西哥辣椒、沙律菜、绿莎莎酱；虾仁口感爽弹，味道鲜甜，芝士份量多，Brown Rice炒饭味道微辣，配菜包括有腌渍紫椰菜、牛油果酱。鸡肉墨西哥脆玉米片（单点$138），表面铺有辣椒粉，最令我惊喜嘅系表面、底部都铺有墨西哥芝士酸奶，芝士酸奶口感稠身，芝士味道浓郁，用嚟作为Nacho嘅蘸酱，食极都唔觉得肥腻，但又好有罪恶感；辣手撕鸡肉肉质嫩滑，辣度5分，食落充满辣水牛城酱味道；红Nacho、紫Nacho口感香脆，本身配以芝士酸奶食用，配以Sour Cream、牛油果酱食用，味道清爽；配料包括有豌豆芽、芫荽、墨西哥辣椒。墨西哥牛肉玉米饼沙律（单点$138），好足料，包括有墨西哥碎牛肉、玉米饼、牛油果、Mozz

尖沙咀依间「8Five2 Restobar」主打正宗墨西哥菜，Staff主要都系Non-local嘅人，所以落Order都系用英文，每碟菜式都色彩缤纷，好似将彩虹食咗落肚咁，菜式份量多，健康又饱肚。

*此餐厅收取加一服务费。

辣椒虾墨西哥卷饼（单点$148），虽然只系得两件卷饼，但两件卷饼都包得超扎实，如果系正常人食量的话，食完都应该已经几有饱足感；内有虾仁、芝士、Brown Rice炒饭、墨西哥辣椒、沙律菜、绿莎莎酱；虾仁口感爽弹，味道鲜甜，芝士份量多，Brown Rice炒饭味道微辣，配菜包括有腌渍紫椰菜、牛油果酱。

鸡肉墨西哥脆玉米片（单点$138），表面铺有辣椒粉，最令我惊喜嘅系表面、底部都铺有墨西哥芝士酸奶，芝士酸奶口感稠身，芝士味道浓郁，用嚟作为Nacho嘅蘸酱，食极都唔觉得肥腻，但又好有罪恶感；辣手撕鸡肉肉质嫩滑，辣度5分，食落充满辣水牛城酱味道；红Nacho、紫Nacho口感香脆，本身配以芝士酸奶食用，配以Sour Cream、牛油果酱食用，味道清爽；配料包括有豌豆芽、芫荽、墨西哥辣椒。

墨西哥牛肉玉米饼沙律（单点$138），好足料，包括有墨西哥碎牛肉、玉米饼、牛油果、Mozzarella Cheese、番茄莎莎、石榴、车厘茄、罗马生菜、豌豆芽、Sour Cream，墨西哥碎牛肉食落带有香料味道，整体食落味道清新。

巴斯克焦香红丝绒芝士饼（单点$78），表面铺有蓝莓、桑莓、草莓酱，蛋糕口感松软、湿润，食落甜度适中，略嫌与巴斯克芝士蛋糕没有任何关连，只系Red Velvet Cake。