漢堡芝味 (已結業)

系附近番工，谂住搭去虹桥睇下有咩食，行到街尾，就见到呢间写住沙嗲牛X汉堡芝味的小店！🌟🌟行到店门，入面座位唔多，都系两三张细枱，但一样已经有学生哥帮衬～ 我睇紧menu时都已经有唔少学生/番工族停低望下🥳Menu种类好多，本身系菠萝汉堡控嘅我见到大大张菠萝牛堡+田园沙律已经想埋去落单，但跟住又见到旁边嘅汉堡/热狗套餐，有特别嘅蛋沙律热狗、韩式/洋葱猪扒汉堡、仲有鸡堡。40-50蚊，包埋一款小食+饮品（免费只包罐装汽水，+$3有伯爵/茉莉茶）！第一次试，就叫左个鸡堡餐试下。😋当我以为特色小食会逐样加钱嘅时候，就睇到原来系3款小食有齐哂！地瓜球、薯宝、鸡宝、春卷等等 … 如果要特色啲eg章鱼小丸子先要加啲钱，完全系超班嘅小食+汉堡专门店！外卖拎到手，大大杯茉莉茶都吓亲我🥤😂 系一般饮料店嘅size，少甜少冰真系做到，唔甜到漏之余，又饮落够fresh~~ 🤩汉堡size都惊人，两只手拎住都hold唔哂入面嘅馅。除左入面嘅鸡够嫩滑，其余配菜都好新鲜。加上特制调酱汁，成件事食落比一般快餐店更满足🥰最后不得不提一脚踢嘅（唔知系咪）老板娘，有礼好笑容，好快手10分钟唔驶已经出到餐～🍱 第一次写食评