荔園﹒流金歲月 (已結業)

一家人去D2 place 玩，顺道睇睇有咩好食。揾紧餐厅嘅时候，就已经俾佢啲餐厅座位吸引左，虽然最后冇被安排坐𠮶啲船着枱，但今次嘅用餐经验都系非常好嘅。我哋点左唔少点心，最出色嘅呢要数佢嘅摩天轮点心，有好多卡通嘅包点，例如系乌龟形状嘅菠萝红豆包，老虎样嘅奶皇包等等。佢哋唔单止卖相可爱，仲系新鲜出路，非常之好味！另外我哋亦都叫咗一个石锅炒饭，拎上嚟嘅时候仲系冒着烟，我哋一家唔使10分钟就食哂啦！所有野食都好出色，我哋一定会再帮衬！仲有最后消费够，仲送两个金币可以玩下餐厅入面嘅小游戏，都几得意😎。