渾喆 (已結業)

经过依间新开嘅浑喆，店员递上一小杯饮品俾我地试饮，觉得唔错，于是同朋友一人一杯。饮品有大、中、细之分，可以睇得出店铺非常贴心。同朋友倾咗一阵计，两杯饮品就到齐，唔洗五分钟就整好，好有效率！我叫咗黑糖珍珠碳焙乌龙鲜奶茶(大，$30)，乌龙茶味道非常浓，又唔会盖住鲜奶嘅味道，丝滑得黎又好香。而珍珠份量亦都非常多，粒粒都非常有口感。朋友叫咗满杯水果四季春(大，$34)，外观色彩缤纷，系名符其实嘅满杯水果，有奇异果、西瓜、橙、柠檬、百香果、草莓等等，鲜味浓郁。而四季春同果味都非常夹，饮完成个人都好清爽利。虽然旺角开咗五花八门嘅台式饮品铺，但系依家新开嘅，有好多优惠做紧，例如买鲜果茶系列就送黑糖珍珠系列，而且一啲都唔输俾大型连锁嘅品牌，大家不妨黎试下啦！