智景車仔麵 (已結業)

约咗个 friend 吹水，时间唔早，佢就返去食住家饭，我就一个人晚餐喇。黎到呢区，令我谂起杯「冻奶茶红豆冰」，所以我又黎食呢间车仔面。可惜今晚无红豆冰，有点可惜。上次𠮶杯系… 够红豆味，奶茶又拎到个 balance，够冰冻又够大杯，四个大字… 爽。讲返今日食嘅，叫咗牛肚、牛栢叶、鱼片头，辣汁汤底、油面。车仔面就是要油面，这个由街边车仔档食到入舖，我就是死硬要油面至够风味。风味也来自那，带有辣味浓烈嘅牛腩汁汤底，呢间系做得到浓厚牛腩味而不腻嘅汤底。至于配料，月巴的我只能忍下口，其实我真系好想叫埋鱼蛋、猪皮、萝卜呀。返黎… 鱼片头正常嘢，牛肚够淋够味，牛栢叶够爽，正！一句讲晒，味道浓郁，色香味俱全嘅车仔面就是了。