The BASE (已結業)

早前同朋友食过一次觉得唔错，所以再次光临餐厅,试试能否保持水准！上次叫咗二人set都几饱，今次散叫左食物，部份食物系encore的。咖喱蕃薯条第二次食，觉得上次嘅咖喱酱比今次好食。个人其实偏好沙律酱味重d，而今次食就咖喱味偏重。成份蕃薯条份量多，食到最尾仲食紧所以多人分享更适合。叫咗炸虾肉酿鸡翼珍宝珠，喺餐牌上算系推介食物所以就试一试。个人认为偏咸，味道亦未算话好吸引，唔认为虾肉同鸡肉特别夹。所以试一次就够。不过值得一提嘅系佢个松露酱不错，都能将食材提升嘅。到main course，食米形粉。上次食过松露虫草花杂菌米形粉，今次食黑松露鸡肉杂菌米形粉配温泉蛋。我想讲佢嘅米形粉真系超！好！食！类似risotto 但用米形粉比起用米更岀色！口感一流！十分推介比各位未食过米形粉既朋友！最后叫咗个水果茶都唔错，水果粒都新鲜，值得一叫。成间餐厅氛围舒适，亦冇特别限用餐时间。整体食物水准高，会再次光临。