茶墨 (已結業)

同FD子喺The One食完晚餐又唔想咁早走，行行下见到呢间台式饮品店咁夜仲开紧，就揾个位坐低吹多阵水先。我嗌咗杯麻糬芝麻乌龙鲜奶茶，黑白混色真系好似水墨画咁。转咗微甜饮落唔会太甜啱啱好，口感有少少黏稠，有淡淡嘅芝麻香味。麻糬烟烟韧韧弹牙，几有𡁻口。黑欢麻制品从来唔会令人失望，成杯饮品有芝麻糊Feel，好正！FD子就拣咗杯紫薯铁观音沙冰，望落有啲似紫红色嘅大理石花纹，成幅画咁靓。饮落比较偏甜，紫薯香味几突出，饮到粒粒沙冰。最后就嗌咗件清香柚子芝士蛋糕share食。一放落口已经有阵柚子嘅甜中带酸果味，口感几结实都唔错。芝士味都几突出，有柚子中和返，成个感觉冇咁腻。我哋坐到九点几先走，难得一间开到咁夜嘅台式饮品店，仲要杯杯饮品都好似艺术品咁，有得饮之余仲可以慢慢欣赏，真心推介！