串王之王 - 正宗成都串串火鍋 (已結業)

成日上深圳东门见到人拎住一杯杯超多的竹签就觉得好爽好想试下. 但又惊卫生问题加埋拎住系街边食好唔方便，所以始终冇试过. 呢日朋友生日有人就提议去食尖沙咀间串王之王-正宗成都串串火锅，就去试下有几正宗～间铺唔系好大，但啲位就好宽敞，我地仲有幸坐到最近雪柜张台，所以好方便. 一坐低就每人分发一条围裙上面印坐比坚尼好搞笑，对于我地粗心大意既朋友黎讲围裙系好有用～之后店员会教你系香料吧调香油碟/干碟，有蚝油，葱，蒜，辣椒等，仲有一罐罐独立包装嘅麻油比你拎 一啲都唔悭料.我地一行6人有2个锅 可以拣4款汤底，我地就拣左必试麻辣，沙嗲，药膳，菌王. 然后就可以自己出去拎野食～ 呢度系$248 120分钟任饮任食放题，除左基本火锅配料仲有好多出面少见啲既成都特式菜. 例如剥皮鱼，鸭红，粉耗子，香叶牛肉等. 特别推介一下剥皮鱼！ 好滑冇骨唔腥好好食，我谂我一个人食左10串剥皮鱼. 汤底全部都好浓唔洗点其他香料都已经好好食，因为我唔太好辣所以比较中意沙嗲同菌王汤底，其他朋友就堆晒系麻辣果边，早知点两个麻辣冇咁逼～ 咁一串串食真系几方便，唔洗惊沉左底捞唔番，同堆望住一大堆食左既竹签系前面真系好过瘾好有满