阿爺燒鵝餐室 (已結業)

今晚難得去親戚屋企痴餐, 梗係要斬料上去加餸啦, 雖然附近有唔少燒臘店, 不過呢間阿爺燒鵝最多人係門口等, 相信街坊就一定無錯!餐廳有堂食同外賣, 未到7點已經坐滿7成, 門外仲持續有差不多十人在等外賣, 估唔到師傅都好快手, 落完單之後三兩下手勢就斬好.學生同長者買飯仲有優惠除左招牌燒鵝, 仲買左一斤是日特價ge 蜜汁燒排骨, 一路行已經聞到好香~~燒鵝面一層油光令立立, 薄薄外皮下一層脂肪, 未入口已經感受到好香ge 煙燻味, 平時成日聽人講用柴燒ge 獨特香氣終於第一次感受到!!  而且鵝肉嫩滑多汁, 令人食唔停口!