芋圓控 (已搬遷) 新店位置

观塘工厦入面有好多美食，芋圆控位于富利工业大厦11楼，只有外卖唔可以堂食。今次点咗七款配料，包括冬瓜汤、仙草冻、芋圆、番薯圆、紫薯圆、包心芋圆以及芋泥球。冬瓜汤味道就系冬瓜茶再甜少少，同芋圆都好夹。仙草冻咬落有啲烟烟靭靭，仙草味道都好出。呢度嘅芋圆比正常嘅芋圆大粒，芋头味都突出，食落烟烟靭靭，所以每次都会点晒三色圆。新出嘅包心芋圆外面系芋圆里面系番薯蓉，食落口感好特别，里面会有软绵绵嘅感觉。芋泥球比较甜，但系咬落有芋头一粒一粒嘅口感，而且芋头味好香。芋圆控系一间绝对值得再嚟嘅小店。