鮮芋仙 (已搬遷) 新店位置

七夕个晚出去尖沙咀食饭，食完饭谂住食埋糖水，讲到台湾芋圆就谂起呢间鲜芋仙啦。等左20分钟有位，入座前落单得45分钟食。招牌仙草冰沙 4.5/5等到大汗淋漓，整返碗沙冰消暑解渴，仙草好滑，芋圆软绵绵咬落去又唔会硬骨骨，真系与别不同，所以点解咁出名真系有原因。佢另外附上嘅花奶倒落去沙冰度，令到沙冰除咗仙草味仲有牛奶味，真系好好食。热芋圆紫米粥 4/5唔同坊间嘅紫米露唔会好紫色，沟咗红豆落去煲，系偏向红色，比较浠唔会太杰，符合紫米粥而唔系紫米露。又唔会太甜，无论热嘅芋圆同冻食，都系咁出色。地点:厚福街，位置方便又易揾，附近又多嘢食又有酒吧。环境:白色嘅色调，光猛舒服，但同隔篱枱有啲近。价钱:物有所值，$45系值得比，芋圆真系好出色。服务:都OK，就嚟够钟嘅时候见落雨，都冇即刻赶我哋走，等细雨少少先走。