你妳 (已結業)

赶唔切去荃湾分店既lastday，所以就特意搭车黎呢边试，顺便系宝石戏院睇场戏。题外话，戏院好耐历史，好怀旧，系用人手划位，写坐位number系张戏飞到架。要左个set餐，有吐司、仙草芋圆同一杯饮品。本身自己都系芋泥同紫薯控，几经挣扎，最后简左要肉松芋泥吐司，有机会再试其他啦。肉松芋泥吐司食落有d失望，无芋头既香味，个芋泥有d干身，口感都无芋泥有既绵。肉松就份量都几多下，一路食一路跌出黎，而吐司口感都ok既。仙草芋圆3号（三色芋圆、小布丁、水晶）无谂过咁大碗，加上个底既味道调得几好，唔会太甜，芋圆口感ok，但争咁d芋头味。小布丁应该系外面买返黎，唔系自制既，因为咁岩系出面舖见到有😂水晶口感都唔错。三样夹埋食都好夹，而且呢个价钱有呢个份量，好有性价比。冬瓜茶（热）清清地，唔会太甜。