你妳 (已結業)

一直都想试下你妳，之前开喺元朗对于九龙人嚟讲真系有啲远。今日咁啱去开黄埔，就决定去必嘉街嘅分店买嚟试吓。餐牌都好多选择，样样睇落都唔错，真系有啲难拣。最后决定要芋泥肉松蛋饼、原味蛋饼同埋炭培乌龙珍珠奶茶。芋泥肉松蛋饼外层香脆，入面有流心煎蛋，然后有一层芋泥，再包住肉松。外层嘅饼同煎蛋好好食，芋泥嘅甜度啱啱好，估唔到同肉松都好夹。因为份量比较多，建议细食嘅女仔可以两个人share食。原味蛋饼同芋泥肉松蛋饼一样，有脆脆嘅外层同埋香滑嘅蛋，但系就冇芋泥同肉松，食落冇芋泥肉松蛋饼咁饱肚，想食得light啲嘅就可以拣呢款。炭培乌龙珍珠奶茶超香浓，乌龙茶味好突出，珍珠嘅份量比例啱啱好，食落烟韧，真系好好饮。舖头出面嘅装修都好靓，有长凳可以坐喺度等嘢食，又可以打卡影相。下次经过附近嘅时候，一定会再试下佢嘅吐司系列同埋其他特饮。