你妳 (運通洋樓) (已結業)

你妳成日系社交平台见到有人打卡，全因为佢嘅食物卖相够靓，特别多芋泥食物，粉紫色打卡一流。芋泥肉松吐司+芝士玉米蛋饼吐司配蛋饼一set $68，一次过嗌哂两个邪恶嘅配搭，芋泥肉松吐司好把，而且胀卜卜好多料，芋泥淡淡地、肉松咸咸地，非常之夹。芝士玉米蛋饼呢个配料系一定好食，蛋饼煎得够香脆，加埋个酱甜甜地，好好食。鲁肉饭便当便当不过不失，呢个唔系用嚟打卡，系俾我填饱个肚，配菜都好丰富，粉丝落咗麻油捞，好惹味，鲁肉半肥瘦，𩠌饭一流。芋泥珍珠小芋圆呢杯野几正，有齐哂最冇得输嘅配搭，芋泥好creamy，每啖都系一个正字。仙草2号除咗芋泥，呢到嘅芋圆都几出色，仙草2号有三色芋圆、小芋圆、红豆同仙草，芋圆好烟韧，仙草滑溜，口感好丰富，唔错唔错。