恆發雞蛋仔 (已結業)

最近又系睇报纸介绍，得悉观塘有间鸡蛋仔舖卖有馅鸡蛋仔，于是同女友喺观塘食完晚饭就行过嚟。𠮶阵八点几，除夕夜，门口围住一堆人等紧攞鸡蛋仔，有啲好似我哋咁慕名而嚟，有啲系街坊。冇排队可言，买就行埋去同阿姐讲，佢会叫你等至少十分钟，比埋钱就企埋一二边等佢整。原味十蚊有交易，要加馅就再加钱，芋泥要加$6，其余有红豆味、朱古力味等等。而短短三个字，最多人叫嘅系芋泥，其次就系原味。整嘅时候，阿姐先焗个空鸡蛋仔壳，然后就打开个焗夹，搽入芋泥馅，搽满晒，再冚埋个夹，喺个饼夹边倒蛋浆再继续焗，用蛋浆封晒条边，以免焗完出嚟啲馅漏晒出嚟。鸡蛋仔到手，即使用蛋浆封边，啲芋泥馅都依然漏咗啲出嚟！食落好得意，除咗有鸡蛋香味之外，第一啖食个馅冇味，啲芋头味系一路食一路出，外壳脆卜卜，个馅热辣辣有芋头味，比起食开嘅「有味鸡蛋仔」，有馅嘅馅味更加突出。临走前，有个客叫个朱古力味，阿姐就逐粒逐粒朱古力放入每一格焗好嘅鸡蛋仔壳，呢份心机嘢应该冇乜舖头肯做，而呢间舖得三个鸡蛋仔夹同埋咁多人等，都肯咁做法，令我哋更有藉口下次嚟试朱古力味！