谷芋 (已結業)

我发觉自从黄埔开咗一间主打芋头既饮品店之后，搞到我成日都心丝丝想买黎饮，因为上次饮完佢个芋头樱樱西米露真心觉得好正，啲芋头蓉真系好滑。今次我买左芋霸布能，个名好特别，问左店员，原来入面啲料超丰富，有芋头蓉、豆腐布甸、芋头珍珠，再用上豆奶制成，如果本身对奶类制品系有敏感既话，呢杯用豆奶整既就啱晒。店员即叫即整，只系等左几分钟就拎得，仲温馨提示一定要搅匀先好饮，值得一赞！新鲜整好当然要即刻品尝啦，一如以往芋头蓉整得非常之滑溜，另外仲保留少量颗粒，令每一啖既芋头蓉除左滑溜之外仲有啲咬口，豆腐布甸又系整得好滑，我系第一次饮布甸，味道唔会太甜，好夹，芋头珍珠唔会过硬，呢杯饮品口感好丰富，好有层次感。值得一提既系店员好热情，好友善，而且好好笑容，比起其他连锁店冷冰冰嘅面孔，呢度多左一份亲切感。