沐白小農 (已結業)

喺尖沙咀食完个午餐之后，就去附近成条街都系茶饮店嘅宝勒巷，买返杯饮品来做甜品。之前都有嚟过呢条街，而家茶饮店开到成行成市，每次黎都会见到啲新店，我哋就拣咗呢间我之前未见过嘅沐白小农。呢度主要都系卖奶类饮品。我同朋友就拣咗大甲芋头鲜奶，黑糖珍珠鲜奶同埋伯爵红茶拿铁。见到呢度最近推出左芋圆，好似好色彩缤纷！就决定要芋圆。等左10分钟就有啦，打返卡先。呢度有一张长枱可以坐喺度饮，仲有啲叉电线可以喺度叉电。店员特别提醒我哋每杯都要摇15下先好饮。果然系好有奶味，原来系用咗明治牛奶。我呢杯伯爵茶拿铁好有茶味，芋圆好有咬口，少少甜味，绝对同珍珠有过之而无不及。朋友大赞黑糖虎纹够晒靓。芋头味又超浓郁。呢度有好多打卡位，我地就饮埋先走。