沙嗲王 (已結業)

沙嗲王成日都有同啲游戏动漫合作搞主题食品，今次有近期大热既芒亨，点都要去朝圣下嘅。普通野食就唔多讲啦，讲下今次嘅主题食物先，我叫左个预备狩猎！烧肉调配中！呢款烧肉其实系用鸡髀整成，三款酱汁可以任拣一款，我就梗系一于试吓啲特别啲嘅，所以就拣咗个蓝咖哩！虽然蓝色嘅咖喱真系好核突，但原来真系好好食架。佢有啲似沙嗲同咖喱嘅混合体，识落完全无违和感！我哋另外仲加左印度薄饼点埋啲咖喱，真系超正呀！至于只鸡比呢佢整到好似烧肉咁，外型都几得意，味道方面有食过沙嗲王鸡髀嘅人都知道佢只鸡比系超好食嘅，劲juicy而且一啲都唔鞋，整体来讲超正！另外我哋仲叫咗两杯野饮，一杯解毒药，一杯回复药！解毒药其实系青苹果荔枝薄荷特饮，饮落都几清新。而回复药系蓝蝶花乳酸，味道都几特别，不过我就唔太钟意啦。饮完之后𠮶樽仲可以拎返屋企添！呢个主题完之前一定要再去多次！啲食物实在太得意啦！