SOYmart by 豆乳狂人

营业中

休息中

今晚在荃湾食完烤肉, 最啱去食吓甜品糖水清热气, 豆乳狂人位于海之恋商场, 食物即叫即制, 选择相当多, 有粢饭、小食、豆乳、豆腐花和糖水, 个人最喜欢多芒和芋圆系列。多芒小丸子 西米好幼滑, 烟韧小丸子有嚼口, 大量鲜芒果肉和香甜芒果汁, 和特调椰奶嘅椰香好配合。多芒杨枝甘露 材料相当多, 大量鲜芒果和金柚肉, 香甜又充满果香, 大大粒西米加上芒果汁和 椰香幼滑嘅特调椰奶, 口感丰富。粒粒仙草 三色芋圆烟韧弹牙, 绿豆腍滑得嚟好有质感, 清爽嘅仙草富有草香, 在椰奶和黑糖浸润下, 加上西米, 更觉甜香幼滑。糖水甜香可口, 冰冻又大碗, 份量十足, 最啱大家一同分享。